यूएई रोजगारीमा नेपाली कामदार निःशुल्क जान पाउने, अरू यस्ता छन् नयाँ सुविधा

संयुक्त अरब इमिरेट्स (यूएई) रोजगारीमा नेपाली कामदार निःशुल्क जान पाउने भएका छन्।नेपाल र यूएईबीच बिहीबार स्विट्जरल्यान्डको जेनेभामा भएको समझदारी अनुसार कामदार निःशुल्क जान पाउने भएका हुन् ।अन्तर्राष्ट्रिय श्रम संगठन (आईएलओ)को शतवार्षिकीको अवसरमा जेनेभामा नेपालका तर्फबाट श्रम, रोजगार तथा सामाजिक सुरक्षामन्त्री गोकर्ण विष्ट र यूएईका मानव संशाधनमन्त्री नासेर थानी अल हम्लीले श्रम समझदारीपत्रमा हस्ताक्षर भएको हो। समझदारी अनुसार पाँच वर्षसम्मको सेवा अवधिका लागि हरेक वर्षको सेवा बापत २१ दिनका दरले उपदान पाउनेछन्। पाँच वर्षभन्दा बढी सेवा अवधिका लागि वार्षिक ३० दिनका दरले उपदान पाउने व्यवस्था सुनिश्चित गरिएको छ।समझदारी अनुसार कामदारको छनोट, भर्नामा लाग्ने सबै शुल्क एवं लागत रोजगारदाताले नै व्यहोर्नेछन्। कुनै पनि कामदारलाई ज्याला, ओभरटाइम भत्ता, कार्य वातारण र न्यायमा पहुँचजस्ता विषयमा विभेद गर्न नपाइने समझदारीमा उल्लेख छ। त्यस्तै नेपाली श्रमिकले अन्य विदेशी श्रमिक सरह समान व्यवहार पाउनेछन्।

महिला कामदारका लागि श्रमिक कल्याण र सुरक्षाका विशेष उपाय सुनिश्चित गरिने समझदारीपत्रमा उल्लेख छ।

यूएईसँग पहिलाको श्रम समझदारीपत्रलाई प्रतिस्थापित गर्दै नयाँ समझदारीपत्रमा हस्ताक्षर भएको हो। समझदारी अनुसार यूएई सरकारले बिमा कोषको व्यवस्थालगायत श्रम आप्रवासनका क्षेत्रमा पछिल्लो समय धेरै सुधारका कदम अघि बढाएको छ।रोजगारदाताको कमिकमजोरीका कारण कामदार बेरोजगार हुनुपर्ने अवस्था आए कामदारले बैकल्पिक रोजगारीको खोजी गर्न सक्नेछन्। महिला कामदारका लागि श्रमिक कल्याण र सुरक्षाका विशेष उपाय सुनिश्चित गरिने समझदारीपत्रमा उल्लेख छ।राहदानीलगायत व्यक्तिगत परिचयसम्बन्धी कागजात श्रमिककै साथमा रहन पाउने व्यवस्थाको सुनिश्चितता गरिएको छ।

नेपालबाट वार्षिक करिब ५० हजार रोजगारीका लागि यूएई जाने गर्छन्। नेपाली कामदारका लागि यूएई नेपालको चौथो प्रमुख श्रम गन्तव्य मुलुक हो।

कामदारकको मृत्यु भएमा शव छिटो साधनद्वारा नेपालमा ल्याउन लाग्ने सम्पूर्ण लागत रोजगारदाताले नै व्यहोर्नुपर्नेछ।कामदारले पाउने सेवा सुविधा तत्कालै भुक्तानी गर्नुपर्ने र बिलम्व गर्न नपाइने व्यवस्था गरिएको छ। कामदार र रोजगारदाताबीच विवाद उत्पन्न भई अदालतमा मुद्दा परेमा विचाराधीन रहेको अवस्थामा कामदारलाई कुनै लागत वा शुल्क नलाग्ने गरी कानुनी उपचारको प्रत्याभूति गरिने व्यवस्था गरिएको छ। त्यस्तो अवस्थामा कामदारले कानुन बमोजिम अस्थायी श्रम स्वीकृतिका लागि आवेदन गर्ने सक्नेछन्।व्यवसाय जन्य दुर्घटना वा रोग लागेमा त्यसको उपचारमा लाग्ने सम्पूर्ण खर्च रोजगारदाताले नै व्यहोर्नुपर्ने उल्लेख गरिएको छ । नेपालबाट वार्षिक करिब ५० हजार रोजगारीका लागि यूएई जाने गर्छन्। नेपाली कामदारका लागि यूएई नेपालको चौथो प्रमुख श्रम गन्तव्य मुलुक हो।

प्रकाशित मिति June 15, 2019
Loading...